Joan den asteburuan (2016-10-29) ekin zioten, Zizurkilen, 2016-17 denboraldiko Ezker Hormako Emakumea Pilotari Txapelketari. 

Emakumezkoen gomazko paletako txapelketa da, eta bi mailatan ariko dira pilotariak: 1. mailan, 6 bikote lehiatuko dira, multzo bakarrean; eta 2. mailan, 9 bikotek jokatuko dute, 5 A multzoan eta 4 B multzoan. Hauexek dira, hain zuzen ere, parte-hartzaileak:

1. MAILA

• Araiztegi-Maiza
• Murua-Arozena
• Garmendia-Eizmendi
• Senperena-Maddi Mendizabal
• Goikoetxea-Arrieta
• I. Otaegi-Maider Mendizabal
   

2. MAILA

      A multzoa

• Etxegia-Irigoien
• Aldai-San Sebastian
• Urien-Sarobe
• Rodas-Arrillaga
• Garcia-Lopetegi
   

      B multzoa

• E. Otaegi-Erasun
• Etxeberria-Lopetegi
• Galdos-Beldarrain
• Ciganda-Gabirondo

Bai 1. mailan bai 2.ean itzuli bateko ligaxka jokatuko dute bikoteek, urriaren 29tik azaroaren 26ra bitartean. Partidak larunbat arratsaldetan izango dira. Eta jardunaldi bakoitza egoitza batean jokatuko da; hauexek dira aurreikusitakoak:
 

• 1. jardunaldia, urriak 29: Zizurkil
• 2. jardunaldia, azaroak 5: Zestoa
• 3. jardunaldia, azaroak 12: Bergara
• 4. jardunaldia, azaroak 19: Urretxu
• 5. jardunaldia, azaroak 26: Hernani

Finalerdiak abenduaren 3an izango dira, Donostiako Atano III.ean. Eta finalak, abenduaren 17an, Tolosako Beotibarren.

Webgune honetako Lehiaketa-Federatua-EmP Ezker Horma eta Kartelera ataletan egin daiteke txapelketaren jarraipena.