Asteburu honetan hasiko da urtero-urtero ikusmin handia sortzen duen Gipuzkoako Herriarteko Txapelketa. Eskuko eta zesta-puntako lehiekin ekingo diote txapelketari: eskuko sei jaialdi jokatuko dira, eta zesta-puntako bat. Palako txapelketa, berriz, maiatzaren 17ko jardunaldian hasiko da.

Ondoren zehazten dugu asteburu honetako kartelera:
 

OSTIRALA, MAIATZAK 8

- 19:00, Getaria-Sahatsaga: ZUMAIA/ MUTRIKU (zesta-punta)

- 19:00, Zumarraga-Beloki: ZUMARRAGA / ZIZURKIL (eskua)

- 20:30, Andoain-Arrate: ANDOAIN / ARRASATE (eskua)

- 20:30, Zestoa-Gurutzeaga: ZESTOA / AIA (eskua)

- 21:00, Alegia-Elorri: ALEGIA / ATAUN (eskua)

- 21:30, Oñati-Zubikoa: BIDANIA-GOIATZ / OÑATI (eskua)
 

LARUNBATA, MAIATZAK 9

- 16:30, Beasain-Antzizar: BEASAIN / LEZO (eskua)

Edizio honetan, 22 herrik eman dute izena eskuko lehian, 8 palakoan eta 3 zesta-puntakoan:

ESKUA

1. Aia
2. Alegia
3. Andoain
4. Arrasate
5. Asteasu
6. Astigarraga
7. Ataun
8. Azkoitia
9. Azpeitia
10. Beasain
11. Bidania-Goiatz
12. Donostia
13. Errenteria
14. Hernani
15. Lasarte-Oria
16. Lezo
17. Oiartzun
18. Oñati
19. Tolosa
20. Zestoa
21. Zizurkil
22. Zumarraga
     

PALA

1. Andoain
2. Deba
3. Donostia
4. Errenteria
5. Lazkao
6. Oiartzun
7. Olaberria
8. Ordizia
    

ZESTA-PUNTA

1. Donostia
2. Mutriku
3. Zumaia

Eskuz, Aia, Azpeitia eta Oñati dira aurtengo parte-hartzaile berriak; eta baja izango dira, berriz, Amezketa, Bergara, Elgoibar eta Zaldibia. Palaz, bestalde, iazko herri berek jokatuko dute aurten ere. Eta zesta-puntaz, azkenik, Tolosa ez da lehiatuko aurtengoan.

 Hauexek dira, hain zuzen ere, jardunaldiak:

ESKUA

- Maiatzak 10 eta 17, final-hamaseirenak

- Maiatzak 24 eta 31, final-zortzirenak: ERRENTERIA / AZPEITIA; BEASAIN edo LEZO / DONOSTIA; ANDOAIN edo ARRASATE / ASTIGARRAGA; ZESTOA edo AIA / OIARTZUN; TOLOSA / ASTEASU; ALEGIA edo ATAUN / HERNANI; ZUMARRAGA edo ZIZURKIL / LASARTE-ORIA; BIDANIA-GOIATZ edo OÑATI / AZKOITIA

- Ekainak 7 eta 14, final-laurdenak

- Ekainak 21 eta 28, finalerdiak

- Uztailak 5, finala

PALA

- Maiatzak 17 eta 24, final-laurdenak: OLABERRIA / LAZKAO; OIARTZUN / ANDOAIN; ORDIZIA / DEBA; ERRENTERIA / DONOSTIA

- Maiatzak 31 eta ekainak 7, finalerdiak

- Ekainak 14, finala

ZESTA-PUNTA (ligaxka)

- Maiatzak 10, 1. jardunaldia: ZUMAIA / MUTRIKU

- Maiatzak 17, 2. jardunaldia: DONOSTIA / ZUMAIA

- Maiatzak 24, 3. jardunaldia: MUTRIKU / DONOSTIA

- Maiatzak 31, 4. jardunaldia: MUTRIKU / ZUMAIA

- Ekainak 7, 5. jardunaldia: ZUMAIA / DONOSTIA

- Ekainak 14, 6. jardunaldia: DONOSTIA / MUTRIKU

- Ekainak 28, finala

Gipuzkoako Euskal Pilota Federazioak Donostia Kirolarekin lortutako hitzarmenari esker, hiriko instalazioak erabiltzeko aukera izango da, eta bi final Atano III.ean jokatuko dira: palakoa ekainaren 14an eta eskukoa uztailaren 5ean. Zesta-puntako finala, berriz, parte-hartzaileen artean txandakatuz izaten da urtetik urtera, eta 2015ean Mutrikuren txanda izango da; Miruaitzen jokatuko da, beraz, ekainaren 28ko asteburuan.

Gipuzkoa Berria izango da 2015eko Txapelketaren babeslea. Eta, hari esker, duela urte batzuk banatzen ziren sariak banatzeko aukera izango du Gipuzkoako Euskal Pilota Federazioak. Eskuz, 5000 euro jasoko ditu txapeldunak, 2500 txapeldunordeak eta 1250 euro bai 3. bai 4. sailkatuak. Palaz, 2500 euroko saria izango du txapeldunak eta 1250ekoa txapeldunordeak. Zesta-puntaz, 1250 euro izango dira txapeldunarentzat eta 625 txapeldunordearentzat. Azkenik, kanporaketa bakoitzeko 450 euroko saria jasoko dute eskuko parte-hartzaileek, 300 eurona palakoek, eta zestakoek 900 euro ligaxka osoagatik gehi 450na finala jokatzen dutenek.

Dena da prest, beraz, Herriarteko Txapelketari ekiteko. Zorte on denei!