Jardunaldi honetan (2024-12-01) hasiko da Trinketeko Kluben Arteko Gipuzkoako Txapelketa. Eskuz binakako lehia izango da goiztiarrena, eta aurrerago gehituko zaizkio eskuz banakakoa, paleta argentinarrekoak, xarekoa... Lehendabiziko finalak, eskuz binakakoak hain justu, 2025eko urtarrilean izango dira ikusgai.

Ondorengo lerroetan laburbildu ditugu lehia guztien xehetasunak (oraingoz zehazturik daudenak):

ESKUZ BINAKA
 

• Hasiera, abenduaren 1eko jardunaldian; kadeteek abenduaren 15ekoan ekingo diote lehiari
• Kadeteak (maila bakarra), jubenilak (maila bakarra) eta nagusiak (1. eta 2. maila)
• 3 talde kadetetan (multzo bakarra), 5 bikote jubeniletan (multzo 1) eta 11 talde nagusitan (5 1. mailan, multzo bakarrean; eta 6 2. mailan, multzo bakarrean)
• 1. fasean, itzuli bateko ligaxka, 2025eko urtarrilaren 5eko jardunaldira bitartean; kadeteen kasuan, abenduaren 29ko asteburura arte
• Partidak egoitzan (printzipioz Irurako Ametsa trinketan)
• Finalak, 2025eko urtarrilaren 5eko (kadeteak) eta 19ko (jubenilak eta nagusiak 1. eta 2. maila) jardunaldietan

ESKUZ BANAKA
 

• Hasiera, 2025eko urtarrilaren 12ko (kadeteak) eta 26ko asteburuetan
• Kadeteak (maila bakarra), jubenilak (maila bakarra) eta nagusiak (1. eta 2. maila)
• 7 pilotari kadetetan (multzo bakarra), 11 pilotari jubeniletan (2 multzo) eta 20 talde nagusitan (12 1. mailan, 2 multzotan banatuta; eta 8 2. mailan, 2 multzotan)
• 1. fasean, itzuli bateko ligaxka, 2025eko otsailaren 23ko jardunaldira bitarte; 16kora arte nagusien 1. mailan
• Partidak egoitzan (Irurako Ametsa trinketan)
• Final guztiak, 2025eko martxoaren 9ko jardunaldian

PALETA ARGENTINARRA
 

• Hasiera, 2025eko urtarrilaren 12ko asteburuan
• Nagusiak (1. eta 2. maila)
• 15 talde (8 1. mailan, 2 multzotan; eta 7 2. mailan, multzo bakarrean)
• 1. fasean, joan-etorriko ligaxka 1. mailan, 2025eko otsailaren 16ko jardunaldira bitartean; eta itzuli bateko ligaxka 2. mailan, otsailaren 23kora arte
• Partidak etxean eta kanpoan
• Finalak, 2025eko martxoaren 9ko asteburuan

Webgune honetako Lehiaketa-Federatua-Gipuzkoa Trinketa atalean aurki daitezke espezialitate, kategoria eta maila bakoitzeko xehetasun guztiak. Eta bai bertan bai Kartelera txokoan txapelketari astez asteko jarraipena egin.