Aurrera darrai Gipuzkoako Herriarteko Txapelketak. Hurrengo faseetara zein herri sailkatuko diren jakingo dugu, asteburuan, eskuzko, larruzko paleta eta pala motzeko eta gomazko paletako lehietan; zesta-puntaz, bestalde, ligaxkako beste jardunaldi bat jokatuko dute.

Eskuz, zehazki, final-laurdenetara zeintzuk saikatuko diren argituko da jardunaldi honetan; oraingoz, Ataun (1-2 irabazi zion Zumarragari) final-zortzirenen joanekoan), Altzo (2-1 Hernaniri), Oiartzun (0-3 Zaldibiari), Azkoitia (0-3 Adunari), Tolosa (1-2 Zestoari), Andoain (1-2 Idiazabali), Azpeitia (0-3 Larrauli) eta Amezketa (1-2 Oñatiri) dira aurretik.

Larruzko paleta eta pala motzez, finalerdietarako sailkapena izango dute jokoan; Azpeitiak eta Debak eta Andoainek eta Errenteriak bana berdindu zuten final-laurdenen joanekoetan, eta Donostiak 0-2 irabazi zion Ordiziari.

Zesta-puntaz, ligaxkako bigarren jardunaldia jokatuko dute Mutrikuk eta Hondarribiak, eta atseden izango du Zumaiak.

Eta gomazko paletaz, azkenik, final-laurdenetarako txartelak lortzeko lehiatuko dira; Azkoitia (1-2 irabazi zion Debari ), Donostia (1-2 Zarautzi), Oiartzun (2-1 Zumarragari), Anoeta (2-1 Andoaini), Mutriku (3-0 Tolosari) eta Zestoa (3-0 Zumaiari) aurreratu ziren final-zortzirenen joanekoetan.

Hauxe da, hain zuzen ere, jardunaldi honetako kartelera:

MAIATZAK 19, OSTIRALA

- 18:00, Oiartzun-Madalensoro: OIARTZUN / ZALDIBIA (eskua, final-zortzirenak, itzulerakoa)

- 19:00, Errenteria-Agustina Otaola: ERRENTERIA / ANDOAIN (larruzko paleta eta pala motza, final-laurdenak, itzulerakoa)

- 19:00, Ataun-Auzoeta: ATAUN / ZUMARRAGA (eskua, final-zortzirenak, itzulerakoa)

- 19:15, Donostia-Altza: DONOSTIA / ORDIZIA (larruzko paleta eta pala motza, final-laurdenak, itzulerakoa)

- 19:15, Zumaia-Aitzuri: ZUMAIA / ZESTOA (gomazko paleta, final-zortzirenak, itzulerakoa)

- 19:30, Amezketa-Larrunarri: AMEZKETA / OÑATI (eskua, final-zortzirenak, itzulerakoa)

- 19:45, Andoain-Arrate: ANDOAIN / IDIAZABAL (eskua, final-zortzirenak, itzulerakoa)

- 20:00, Donostia-Loiola: DONOSTIA / ZARAUTZ (gomazko paleta, final-zortzirenak, itzulerakoa)

- 20:00, Deba-Aldats: DEBA / AZPEITIA (larruzko paleta eta pala motza, final-laurdenak, itzulerakoa)

- 21:00, Zumarraga-Beloki: ZUMARRAGA / OIARTZUN (gomazko paleta, final-zortzirenak, itzulerakoa)

- 22:00, Azpeitia-Izarraitz: AZPEITIA / LARRAUL (eskua, final-zortzirenak, itzulerakoa)

- 22:00, Azkoitia-Gurea: AZKOITIA / ADUNA (eskua, final-zortzirenak, itzulerakoa)

MAIATZAK 20, LARUNBATA
 

- 10:00, Azkoitia-Gurea: AZKOITIA / DEBA (gomazko paleta, final-zortzirenak, itzulerakoa)

- 11:00, Amezketa-Larrunarri: TOLOSA / ZESTOA (eskua, final-zortzirenak, itzulerakoa)

- 17:00, Tolosa-Beotibar: TOLOSA / MUTRIKU (gomazko paleta, final-zortzirenak, itzulerakoa)

- 18:30, Hernani-Udalekoa: HERNANI / ALTZO (eskua, final-zortzirenak, itzulerakoa)

MAIATZAK 21, IGANDEA

- 09:30, Andoain-Arrate: ANDOAIN / ANOETA (gomazko paleta, final-zortzirenak, itzulerakoa)

- 11:00, Mutriku-Miruaitz: MUTRIKU / HONDARRIBIA (zesta-punta, ligaxka, 2. jardunaldia)

Aurtengo edizioan, 17 herrik eman du izena eskuko lehian, 7 ariko dira larruzko paletaz eta pala motzez, 14 gomazko paletaz eta 3 zesta-puntaz. Denera, 41 herri eta 417 pilotari elkartuko ditu txapelketak: 210 eskuz, 62 palaz, 104 gomazko paletaz eta 41 zesta-puntaz. Hauexek dira parte hartuko duten herriak:

ESKUA

1. Aduna
2. Altzo
3. Amezketa
4. Andoain
5. Ataun
6. Azkoitia
7. Azpeitia
8. Bergara
9. Hernani
10. Idiazabal
11. Larraul
12. Oiartzun
13. Oñati
14. Tolosa
15. Zaldibia
16. Zestoa
17. Zumarraga

LARRUZKO PALETA ETA PALA MOTZA

1. Andoain
2. Azpeitia
3. Deba
4. Donostia
5. Errenteria
6. Oiartzun
7. Ordizia

GOMAZKO PALETA

1. Andoain
2. Anoeta
3. Astigarraga
4. Azkoitia
5. Deba
6. Donostia
7. Hernani
8. Mutriku
9. Oiartzun
10. Tolosa
11. Zarautz
12. Zestoa
13. Zumaia
14. Zumarraga

ZESTA-PUNTA

1. Hondarribia
2. Mutriku
3. Zumaia

Eskuz, iazko herri kopuru bera izango da, 17, baina aldaketak izan dira izen-ematean: Alegia, Amasa-Villabona, Aretxabaleta eta Lasarte-Oria ez dira izango; baina Aduna, Altzo, Larraul eta Zumarraga batu dira zerrendara. Aipatu beharra dago, gainera, Larraul herriak lehendabiziko aldiz hartuko duela parte txapelketa honetan. 

Palako lehian, 7 herri izango dira, aurrekoan baino bi gutxiago: Olaberria (azken unean) eta Tolosa dira baja; eta ez dago talde berririk.

Gomazko paletaz, herri bat gutxiago lehiatuko da, 14: aurten ez dute jokatuko Aiak, Errenteriak eta Soraluzek; eta bai, ordea, Debak eta Zumaiak.

Eta, azkenik, zesta-puntaz 3 herri lehiatuko dira, aurreko edizioko berberak.

Finalei dagokienean, lehendabizikoa larruzko paletako eta pala motzeko txapelketarena izango da, ekainaren 11ko asteburuan. Eta eskuzkoa, gomazko paletakoa eta zesta-puntakoa ekainaren 25eko jardunaldian jokatuko dituzte: eskuzkoa larunbatean, ekainak 24, Donostiako Atano III.ean; eta beste biak, palakoa bezala, oraindik zehazteko dauden egun eta egoitzetan.

Datu historikoei erreparatuta, Azkoitiak jantzi ditu txapel gehien eskuzko txapelketan, 16, hain zuzen ere (beste 6 aldiz izan da txapeldunorde); Azpeitia da bigarren palmaresean, 8 txapelekin (5 bider azpitxapeldun); eta Donostia hirugarren, 6rekin (4tan txapeldunorde). Azken edizioa Oiartzunek irabazi zuen, eta Azpeitia izan zen txapeldunorde.

Palaz, Donostiak eta Andoainek dituzte txapel gehien, 7 (6na aldiz izan dira txapeldunorde); Errenteria eta Olaberria dira atzetik, 6na txapelekin (4 aldiz izan dira txapeldunorde errenteriarrak, eta 2tan olaberriatarrak). Errenteriak irabazi zuen aurreko edizioan, eta Andoain izan zen txapeldunorde.

Zesta-puntaz Zumaia da jaun eta jabe, 10 txapelekin (11 aldiz txapeldunorde); Mutriku du atzetik, 7 txapelekin (4 bider azpitxapeldun); eta Tolosa da hirugarren postuan, 4 txapelekin (6tan txapeldunorde). Azken edizioa Mutrikuk irabazi zuen, eta Zumaia sailkatu zen bigarren.

Gomazko paletaz, azkenik, Azkoitia da lider sailkapenean, 3 txapelekin (ez da sekula txapeldunorde izan). Eta atzetik da Donostia, txapel batekin (beste 2tan txapeldunorde). Ondoren ageri dira Azpeitia eta Tolosa; biak izan dira behin azpitxapeldun. 2022eko edizioan Azkoitiak jantzi zuen txapela, eta Donostia izan zen txapeldunorde.

Rural Kutxa da 2023ko Gipuzkoako Herriarteko Txapelketaren babeslea.

Webgune honetako Lehiaketa-Federatua-Herriartekoa atalean eskuragarri dago txapelketaren inguruko informazio guztia.

*Argazkiak: Gaztelupe eta Eple klubak.