Eguraldi iragarpena aztertuta, Gipuzkoako Euskal Pilota Federazioak (GEPF) bertan behera utzi zituen joan den larunbatean (urtarrilak 28) jokatzekoak ziren infantil eta jubenil kategorietako paletako finalak. Baina badute data berria: igandean jokatuko dituzte, 11:00etan, Bidania-Goiatzen. Lehenik, infantilek Errendimenduko Gipuzkoako Txapelketako paletako finala jokatuko dute, molle-pelle pilotarekin (estreinakoz antolatu da aurten txapelketa hau); eta ondoren, jubenilek Ezker Hormako Kluben Arteko Gipuzkoako Txapelketakoa, gomazko pilotarekin:

Otsailak 5, igandea, 11:00, Bidania Goiatz-Ernio
 

1.  Infantilak, molle-pelle paleta:
INTXURRE (Gailur Elduaien-Ibai Goitia)
BIDANIA-BEHAR ZANA (Irati Goikoetxea-Maddi Lasa)

2. Jubenilak, gomazko paleta:
ZUMAIA 2 (Danel Cabaleiro-Aritz Garikano)
ERREPALA (Aner Rekondo-Ekai Vicente)

Webgune honetako Lehiaketa-Errendimendua-Gipuzkoa-Paleta (molle-pelle)-Infantilak eta Lehiaketa-Federatua-Gipuzkoa-Gomazko paleta binaka-Jubenilak ataletan kontsulta daiteke bi txapelketa hauen inguruko informazio guztia.