Kluben Arteko Gipuzkoako Txapelketako larruzko paletako finalak, igandean, Donostia-Altzan
2021/01/18 | Lehiaketa
Eusko Jaurlaritzak baimena eman ondoren, federatuen txapelketei berrekingo zaie jardunaldi honetan; 10:00etan jokatuko dituzte Ezker Hormako Kluben Arteko Gipuzkoako Txapelketako larruzko paletako finalak, Donostiako Altza auzoan; bestetik, eta txapelketa berean, joko garbiko lehia ere hasiko da asteburuan
![]() Eusko Jaurlaritzak "lehiaketa profesionalean eta federatuan murgilduta dauden taldeen entrenamenduak eta kirol-lehiaketak" baimendu zituen hilaren 12an eta, ondorioz, Gipuzkoako Euskal Pilota Federazioak (GEPF) federatuen txapelketei (kadete eta nagusi bitartekoak, hain zuzen ere) berrekiteko erabakia hartu zuen. Jardunaldi honetan (2021-01-24) hasiko dira txapelketa horiek, Ezker Hormako Kluben Arteko Gipuzkoako Txapelketa, esaterako.
Bertan behera gelditu zen unetik berrekingo zaio Gipuzkoako Txapelketari. Eta, hala, txapelketa horretako denboraldiko lehendabiziko finalak izango dira, asteburuan: larruzko paletakoak. Ostegun eta ostiralean nagusien 1. mailako finalerdiak jokatuko dituzte eta, igandean, nagusien 1., 2. eta 3. mailako finalak, 10:00etan, Donostiako Altza auzoan:
Urtarrilak 24, igandea, 10:00, Donostia-Altza
1. Larruzko paleta, nagusien 3. maila:
2. Larruzko paleta, nagusien 2. maila:
3. Larruzko paleta, nagusien 1. maila:
Ostegunean, hilak 21, jokatuko dute finalerdia Real Sociedad 1 eta Txost 2 taldeek, 18:00etan, Donostia-Altzan. Eta frontoi berean, baina ostiralean, hilak 22, eta 18:30ean, Real Sociedad 2 eta Oiangu 1 taldeek.
Bestalde, beste espezialitate bati ekingo diote asteburuan Ezker Hormako Kluben Arteko Gipuzkoako Txapelketan: joko garbiko lehia hasiko da.
4 talde izango dira nor baino nor gehiago, maila eta multzo bakarrean:
Lehenik, itzuli bateko ligaxka jokatuko dute guztiek, urtarrilaren 24ko jardunaldian hasi eta otsailaren 28kora bitartean.
Kanporaketen fasea etorriko da ondoren: martxoaren 7ko jardunaldian izango da finalerdia, eta martxoaren 14ko asteburuan jokatuko dute finala.
Webgune honetako Lehiaketa-Federatua-Gipuzkoa Ezker Horma atalean kontsulta daitezke larruzko paletako, joko garbiko eta gainontzeko espezialitateetako lehien inguruko xehetasunak. |
|