Ezker Hormako Kluben Arteko Gipuzkoako Txapelketako beste final bat izango da ikusgai asteburu honetan: gizonezkoetan, gomazko paletako 22 urtez azpikoena. Ikasberri eta Real Sociedad 2 taldeak izango dira aurrez aurre hitzordu honetan, ostiralean. 20:00etan hasiko da jaialdia, Azpeitiko Urrestillan:

Abenduak 23, ostirala, 20:00, Azpeitia (Urrestilla)-Txikuri

1. Gomazko paleta mutilak, 22 urtez azpikoak:
IKASBERRI (Martija-Alkorta) / REAL SOCIEDAD 2 (Oiarbide-Estefano)

Ikasberrik, ligaxka amaituta sailkapen buru izanda, finalerako zuzeneko txartela lortu zuen. Bigarren eta hirugarren sailkatuek, Real Sociedad 2 (Oiarbide-Estefano) eta Altzatarra 1 (Udakiola-Rekondo) taldeek, finalerdia jokatu behar izan zuten aurreko asteburuan (2016-12-16). Realak irabazi zuen, 25-21eko emaitzarekin.

Hain zuzen ere, hauxe izan zen ligaxkako sailkapena:

1. Ikasberri, 10 puntu
2. Real Sociedad 2, 8 puntu
3. Altzatarra 1, 8 puntu
4. Altzatarra 2, 7 puntu
5. Txost, 6 puntu
6. Real Sociedad 1, 5 puntu

Webgune honetako Lehiaketa-Federatua-Gipuzkoa Ezker Horma-gomazko paleta mutilak 22 urtez azpikoak atalean kontsulta daitezke txapelketaren inguruko xehetasun guztiak.