Badoa pixkanaka aurrera 2019ko Gipuzkoako Herriarteko Txapelketa. Asteburu honetan (2019-05-26), esaterako, finalerdiak jokatuko dituzte larruzko paleta eta pala motzeko lehian. Oiartzun eta Deba izango dira aurrez aurre alde batetik, ostiralean; eta bestetik, larunbatean, Errenteriak eta Olaberriak neurtuko dituzte indarrak finalerdien joanekoan. 

Eskuko lehiari dagokionean, final-laurdenetarako txartelak izango dira jokoan, final-zortzirenen itzulikoak izango baitira jardunaldi honetan.

Zesta-puntaz, ligaxkako 3. jardunaldia izango da ikusgai.

Eta gomazko paletaz, azkenik, final-laurdenei ekingo diete Hernanik, Andoainek, Anoetak, Azkoitiak, Usurbilek, Donostiak, Tolosak eta Irunek.

Hauxe da, hain zuzen ere, asteburu honetarako kartelera:

MAIATZAK 24, OSTIRALA

- 19:00, Oiartzun-Madalensoro: OIARTZUN / ASTIGARRAGA (eskua)

- 19:30, Hernani-Udalekoa: HERNANI / ADUNA (eskua

- 19:30, Asteasu-Usarrabi: ASTEASU / ZESTOA (eskua)

- 20:45, Anoeta-Alkartasuna: ANOETA / AZKOITIA (gomazko paleta)

- 21:15, Andoain-Arrate: HERNANI / ANDOAIN (gomazko paleta)

- 22:00, Oiartzun-Madalensoro: OIARTZUN / DEBA (larruzko paleta eta pala motza, FINALERDIA)

- 22:00, Aginaga-Udalekoa: USURBIL / DONOSTIA (gomazko paleta)

- 22:00, Azpeitia-Izarraitz: AZPEITIA / DONOSTIA (eskua)

- 22:00, Azkoitia-Gurea: AZKOITIA / ANDOAIN (eskua)

MAIATZAK 25, LARUNBATA

- 17:00, Errenteria-Agustina Otaola:
ERRENTERIA / OLABERRIA (larruzko paleta eta pala motza, FINALERDIA)

- 17:00, Oñati-Zubikoa: OÑATI / ALTZO (eskua)

- 18:00, Zumaia-Aitzuri: ZUMAIA / HONDARRIBIA (zesta-punta)

- 18:30, Tolosa-Beotibar: TOLOSA / ELGOIBAR (gomazko paleta)

- 19:30, Ataun-Auzoeta: ATAUN / AIA (eskua)

MAIATZAK 26, IGANDEA

- 16:30, Mutriku-Miruaitz: MUTRIKU / DONOSTIA (zesta-punta)

Apirilaren 16an aurkeztu genuen aurtengo txapelketa, Zubietako Araeta sagardotegian, Tolosako Bridge hizkuntza eskola eta Gipuzkoako Foru Aldundia babesle direnen presentziarekin. Araeta, Astore eta Donostiako Udala dira aurtengo gainontzeko laguntzaileak. Aurkezpen horretan kanporaketen zozketa egin genuen, eta albiste honi erantsitako dokumentuetan ikus daitezke zozketak emandakoak.

19 herrik eman du izena eskuko lehian, 16 ariko dira gomazko paletaz, 8 pala motzez eta larruzko paletaz eta 4 zesta-puntaz. Hain zuzen ere, honakoak dira:

ESKUA

1. Aduna
2. Aia
3. Altzo
4. Amasa-Villabona
5. Andoain
6. Aretxabaleta
7. Asteasu
8. Astigarraga
9. Ataun
10. Azkoitia
11. Azpeitia
12. Bergara
13. Bidania-Goiatz
14. Donostia
15. Hernani
16. Oiartzun
17. Oñati
18. Tolosa
19. Zestoa

GOMAZKO PALETA

1. Aia
2. Andoain
3. Anoeta
4. Astigarraga
5. Azkoitia
6. Azpeitia
7. Donostia
8. Elgoibar
9. Errenteria
10. Hernani
11. Irun
12. Mutriku
13. Soraluze
14. Tolosa
15. Usurbil
16. Zumaia

PALA MOTZA ETA LARRUZKO PALETA

1. Andoain
2. Deba
3. Donostia
4. Errenteria
5. Lazkao
6. Oiartzun
7. Olaberria
8. Ordizia

ZESTA-PUNTA

1. Donostia
2. Hondarribia
3. Mutriku
4. Zumaia

Finalei dagokienean, lehendabizikoa larruzko paleta eta pala motzeko lehiarena izango da, ekainaren 9ko asteburuan; Donostiako Altza auzoan jokatuko da.

Ondoren, gomazko paletako zein zesta-puntako finalen txanda izango da, biak ekainaren 23ko jardunaldian. Gomazkoaren egoitza erabakitzeko dago, eta zesta-puntakoa Zumaian izango da aurten.

Azkenik, eskuko finala ekainaren 29an, larunbata, jokatuko da, Donostiako Atano III.a pilotalekuan.

52. edizioa izango da aurtengoa eskuz, 29.a palaz, 22.a zesta-puntaz, eta 2.a gomazko paletaz.

Urte hauetan guztietan Azkoitiak jantzi ditu txapel gehien eskuko txapelketan, 16, hain zuzen ere (beste 6 aldiz izan da txapeldunorde); Azpeitia da bigarren palmaresean, 7 txapelekin (3 bider azpitxapeldun); eta Donostia hirugarren, 6rekin (4tan txapeldunorde). Iazko edizioa Azpeitiak irabazi zuen, eta Ataun izan zen txapeldunorde.

Palaz, Donostiak ditu txapel gehien, 7 (6 aldiz izan da txapeldunorde); Andoain da bigarren postuan, 6 txapelekin (5 bider azpitxapeldun); eta Errenteria eta Olaberria dira hirugarren postuan, 5na txapelekin (Errenteria hiru ediziotan txapeldunorde eta Olaberria bitan). Oiartzunek irabazi zuen iaz, eta Errenteria izan zen txapeldunorde.

Zesta-puntaz Zumaia da jaun eta jabe, 9 txapelekin (10 aldiz txapeldunorde); Mutriku du atzetik, 5 txapelekin (3 bider azpitxapeldun); eta Tolosa da hirugarren postuan, 4 txapelekin (6tan txapeldunorde). Iazko edizioa Zumaiak irabazi zuen, eta Mutriku sailkatu zen bigarren.

Gomazko paletaz, azkenik, Donostiak estrenatu zuen palmaresa iaz, lehen edizioa irabazita. Eta Azpeitia izan zen txapeldunorde.

Webgune honetako Lehiaketa-Federatua-Herriartekoa atalean egongo da eskuragarri txapelketaren inguruko informazio guztia.