2024ko Gipuzkoako Herriarteko Zesta-punta Txapelketako finala ikusteko aukera izango dugu, jardunaldi honetan. Ligaxka lehen eta bigarren postuan amaituta, Mutrikuk eta Zumaiak neurtuko dituzte indarrak, ostiralean, 19:30ean hasita, Mutrikuko Miruaitz pilotalekuan; kadete, jubenil eta nagusi kategorietan lehiatuko dira (behean dituzue xehetasun gehiago; eta albiste honi erantsita, finala iragartzen duen kartela).

Eskuz ere ate joka dugu finala; jardunaldi honetan ezagutuko ditugu herri finalistak. Bergarak eta Zaldibiak alde batetik eta Beasainek eta Oiartzunek bestetik, finalerdien itzulerakoak jokatuko dituzte; joanekoetan, 3-0 irabazi zion Zaldibiak Bergarari eta 2-1 Oiartzunek Beasaini.

Gomazko paletaz ere herri finalistak zeintzuk diren jakingo dugu asteburuan. Finalerdien itzulerakoetan, Astigarraga eta Aia izango dira aurrez aurre batetik eta Donostia eta Mutriku bestetik; joanekoetan, 1-2 irabazi zion Astigarragak Aiari eta 2-1 Mutrikuk Donostiari.

Hauxe da, hain zuzen ere, jardunaldi honetako kartelera:

EKAINAK 20, OSTEGUNA
 

- 18:00, Astigarraga-Txomiñene: ASTIGARRAGA vs AIA (gomazko paleta, finalerdiak, itzulerakoa)

EKAINAK 21, OSTIRALA
 

- 18:45, Bergara-Udalekoa: BERGARA vs ZALDIBIA (eskua, finalerdiak, itzulerakoa)

- 18:45, Beasain-Antzizar: BEASAIN vs OIARTZUN (eskua, fnalerdiak, itzulerakoa)

- 19:30, Mutriku-Miruaitz: MUTRIKU vs ZUMAIA (zesta-punta, FINALA)

EKAINAK 23, IGANDEA
 

- 10:00, Donostia-Loiola: DONOSTIA vs MUTRIKU (gomazko paleta, finalerdiak, itzulerakoa)

Esan bezala, Mutrikuk eta Zumaiak jokatuko dute 2024ko Gipuzkoako Herriarteko Zesta-punta Txapelketaren finala, ostiralean, 19:30ean, Mutrikuko Miruaitz pilotalekuan: lehenik kadete kategorian lehiatuko dira, ondoren jubeniletan eta azkenik nagusitan; denetan, binaka.

Ekainak 21, ostirala, 19:30, Mutriku-Miruaitz

1. Zesta-punta, kadeteak:
MUTRIKU vs ZUMAIA

2. Zesta-punta, jubenilak:
MUTRIKU vs ZUMAIA

3. Zesta-punta, nagusiak:
MUTRIKU vs ZUMAIA
 

Pilotari hauek osatu dute Mutrikuko taldea aurtengo Herriartekoan: Alain Agirregomezkorta Txurruka. Oinatz Agirregomezkorta Txurruka, Aitor Andonegi Astorkia, Zuhaitz Arrillaga Elezgarai, Ganix Arrizabalaga Urrutia, Aratz Egaña Arrinda, Izei Garcia Lekube, Yon Iparragirre Txurruka, Ekhi Lete Sanchez, Mikel Manzisidor Txurruka, Jon Iñaki Mendizabal Barrenetxea, Oaia Otaño Arrona, Mikel Paredes Garcia-Pascual, Aiur Txurruka Mugerza, Eñaut Urreisti Astigarraga, Manez Urreizti Jauregi eta Unax Zubizarreta Galparsoro.

Eta ondorengoek Zumaiakoa: Cosme Aguirre De Jesus, Gonzalo Aguirre De Jesus, Haritz Egaña Ostolaza, Igor Enbil Dominguez, Amik Gandarias Gaston, Eñaut Goñi Castro, Mikel Silveti Egaña, Unai Uranga Egaña, Ander Ureta Uranga, Frida Watkins Franco eta Marlon Watkins Franco.

Mutrikuk Herriarteko Zesta-punta Txapelketaren 26 edizioetatik 14tan hartu du parte, eta 12 final jokatu ditu (aurtengoarekin, 13.a). Eta Zumaia edizio guztietan lehiatu da, 26 aldiz, eta 21 final jokatu ditu (aurtengoa, 22.a).

8 aldiz izan dira txapeldun mutrikuarrak, azkena iaz (Hondarribiaren kontra): 2013 (Zumaia txapeldunorde), 2014 (Zumaia), 2015 (Zumaia), 2016 (Zumaia), 2017 (Zumaia), 2019 (Donostiari irabazita) eta 2022 (Zumaiari) urteetan irabazi zituen beste finalak. Eta beste 4 bider txapeldunorde: 2011n (Zumaiak jantzi zuen txapela), 2012an (Zumaiak), 2018an (Zumaiak) eta 2021ean (Zumaiak). 

Zumaiak, bere aldetik, 10 txapel ditu, urte hauetan lortutakoak: 1999 (Tolosari irabazita), 2000 (Tolosari), 2001 (Tolosari), 2002 (Donostia txapeldunorde), 2003 (Tolosa), 2007 (Tolosa), 2011 (Mutriku bigarren), 2012 (Mutriku), 2018 (Mutriku) eta 2021 (Mutriku). Eta beste 11 aldiz izan da txapeldunorde: 2004 (Donostia txapeldun), 2005 (Donostia), 2008 (Tolosak txapela), 2009 (Tolosak), 2010 (Tolosak), 2013 (Mutrikuk), 2014 (Mutrikuk), 2015 (Mutrikuk), 2016 (Mutrikuk), 2017 (Mutrikuk) eta 2022 (Mutrikuk).

Bi herriek, beraz, 10 final jokatu dituzte elkarren aurka txapelketaren historian: 2011tik 2018ra bitartekoak, 2021eko edizioa eta 2022koa. 6 aldiz irabazi dio Mutrikuk Zumaiari, eta 4 Zumaiak Mutrikuri.

Palmares orokorrari begiratuta, Zumaia da sailkapen buru, 10 txapelekin (11 aldiz txapeldunorde); Mutriku du atzetik, 8 txapelekin (4 bider azpitxapeldun); Tolosa ondoren, 4 txapelekin (6tan txapeldunorde); eta Donostia gero, 3 txapelekin (2 aldiz azpitxapeldun). Andoainek eta Hondarribiak ez dute txapelik irabazi, baina biak izan dira txapeldunorde edizio banatan. Mutrikuk irabazi zuen 2024koa, eta Hondarribia sailkatu zen bigarren.

Rural Kutxa eta Aramendia pasteleria dira 2024ko Gipuzkoako Herriarteko Txapelketaren babesleak.

Webgune honetako Lehiaketa-Federatua-Herriartekoa atalean eskuragarri dago txapelketaren inguruko informazio guztia. 

*Argazkiak: Mutriku eta Zumaia.