Urte berriarekin batera txapelketa ugari ere hasiko dira, eta horien artean daude pilotari gaztetxoenei zuzendutakoak. Hain zuzen ere, asteburuan hasiko dira Errendimenduko hainbat lehia: Gipuzkoako Txapelketa eskuz binaka, Gipuzkoako Txapelketa paletaz (ikus pilotarekin), Udaberri Saria paletaz (molle-pelle pilotarekin) eta Gipuzkoako Txapelketa zesta-puntaz. Parte-hartzeko bati ere ekingo diote jardunaldi honetan: Gipuzkoako Txapelketa zesta-puntaz. Gainera, parte-hartzeko ibilibideari dagokionez, Gipuzkoako paleta txapelketako (molle-pelle pilotarekin) alebinen finalerdiak izango dira ikusgai, larunbatean; eta eskuzko txapelketan bigarren faseari ekingo diote urtarrilaren 28ko jardunaldian.

Ondorengo lerroetan bildu ditugu lehia hauei guztiei buruzko xehetasunak:

ERRENDIMENDUKO GIPUZKOAKO TXAPELKETA (ESKUZ BINAKA)
 

• Urtarrilaren 14ko asteburuan hasiko da 
• 2. urteko alebinek eta infantilek jokatuko dute. 2. urteko alebinetan, 1. mailan eta 2. mailan lehiatuko dira; eta infantiletan, 1., 2. eta 3. mailan
• 35 bikotek eman du izena 2. urteko alebinen 1. mailan, 37 ariko dira 2. urteko alebinen 2. mailan, 25 talde lehiatuko dira infantilen 1. mailan, 60 bikote infantilen 2. mailan eta 18 infantilen 3. mailan
• Ligaxka jokatuko dute guztiek lehenik, urtarrilaren 14ko jardunalditik otsailaren 11kora edo 25ekora (infantilak 2. maila) bitartean
• Denek jarraituko dute aurrera, hurrengo fasera: multzo bakoitzean 1. eta 2. postuan sailkatzen diren bikoteek Gipuzkoako Txapelketa jokatuko dute, eta 3. postutik 6.era bitartekoek eskualdeko txapelketak, Ekialdekoa eta Mendebaldekoa (infantilen 2. mailakoen kasuan, 3 eskualde osatuko dira bigarren fase honetan).
• Final guztiak (bai Gipuzkoa bai eskualdeak) martxoaren 24ko astebururako aurreikusten dira

ERRENDIMENDUKO GIPUZKOAKO TXAPELKETA (PALETA, IKUS)
 

• Urtarrilaren 14ko jardunaldian hasiko da
• Infantil kategoriako pilotariek jokatuko dute, binaka
• 7 bikotek eman du izena
• Itzuli bateko ligaxka jokatuko dute aurrena, urtarrilaren 14ko asteburuan hasi eta martxoaren 3kora bitartean
• 1. sailkatuak finalerako zuzeneko txartela lortuko du, eta 2. eta 3. sailkatuek finalerdia jokatuko dute, martxoaren 10eko jardunaldian
• Finala matxoaren 17ko asteburuan izango da

ERRENDIMENDUKO UDABERRI SARIA (PALETA, MOELLE-PELLE)
 

• Urtarrilaren 14ko asteburuan ekingo diote
• Infantil kategoriako pilotariek jokatuko dute, binaka
• 5 bikotek eman du izena
• Itzuli bateko ligaxka jokatuko dute lehenik, urtarrilaren 14ko asteburuan hasi eta otsailaren 25ekora bitartean
• 1. sailkatuak finalerako zuzeneko txartela lortuko du, eta 2. eta 3. sailkatuek finalerdia jokatuko dute, martxoaren 10eko jardunaldian
• Finala matxoaren 17ko asteburuan izango da

ERRENDIMENDUKO GIPUZKOAKO TXAPELKETA (ZESTA-PUNTA)
 

• Urtarrilaren 14ko jardunaldian hasiko da
• Infantil kategoriako pilotariek jokatuko dute, binaka
• 9 bikotek eman du izena
• Itzuli bateko ligaxka jokatuko dute aurrena, urtarrilaren 14ko asteburuan hasi eta martxoaren 10ekora bitartean
• 1. sailkatuak finalerako zuzeneko txartela lortuko du, eta 2. eta 3. sailkatuek finalerdia jokatuko dute, martxoaren 17ko jardunaldian
• Finala matxoaren 24ko asteburuan izango da ikusgai

ESKOLA KIROLEKO GIPUZKOAKO TXAPELKETA (ZESTA-PUNTA)
 

• Urtarrilaren 14ko asteburuan hasiko da
• Alebin kategoriako puntistek jokatuko dute, binaka
• 7 taldek eman du izena
• Itzuli bateko ligaxkarekin hasiko dira, urtarrilaren 14ko jardunalditik martxoaren 10ekora bitartean
• 1. sailkatuak finalerako zuzeneko txartela lortuko du, eta 2. eta 3. sailkatuek finalerdia jokatuko dute, martxoaren 17ko jardunaldian
• Finala matxoaren 24ko asteburuan aurreikusten da

Bestetik, eta esan bezala, txapelketa hauen hasieraz gain, Eskola Kiroleko Gipuzkoako Paleta Txapelketaren (alebinak, molle-pelle pilotarekin) finalerdiak izango dira larunbat honetan, Donostia-Igeldon. Hauxe izango da jaialdia:

Urtarrilak 13, larunbata, 16:00, Donostia-Igeldo
 

1. Paleta alebinak, finalerdia:
LIZARDI IGELDO (Amaiur Otamendi-Aiert Gorriz-Haritz Lizarralde)
ZUMAIA 3 (Beñat Argoitia-Luken Osanbela-Aimar Rodriguez)

2. Paleta alebinak, finalerdia:
ILUNPE 1 (Alain Aristondo-Oier Eskudero-Anje Alkorta)
ZUMAIA 4 (Oier Alkorta-Haitz Leon-Xabat Esteibar)
 

Azkenik, Eskola Kiroleko Gipuzkoako Eskuzko Txapelketan, bigarren faseari ekingo diote, urtarrilaren 27ko asteburuan.

Webgune honetako Lehiaketa-Errendimendua eta Lehiaketa Eskolartekoa ataletan aurkitu daiteke txapelketa hauei buruzko informazio guztia.