Estreinakoz jokatu da, aurten, emakumeen eskuz banakako Gabonetako Txapelketa Azkarra, eta arrakastatsua izan da oso. Benjamin, alebin eta infantil kategorietako 50 bat pilotarik hartu du parte urtarrilaren 2tik 5era jokatutako txapelketa berri honetan. Eta maila bikaina eman dute guztiek. Giro paregabea aurkitu dute Donostiako Atano III.enera bildutakoek.

Urtarrilaren 2an parte-hartzeko alebinek (18 pilotari) ligaxka jokatu zuten, urtarrilaren 3an errendimenduko alebinen (6 pilotari) eta infantilen (9) txanda izan zen eta urtarrilaren 4an benjaminek jokatu zuten (16 pilotari). Parte-hartzaile guztien argazkiak Argazki galeriak atalean daude ikusgai.

Eta urtarrilaren 5ean, parte-hartzeko alebinek eta errendimenduko alebinek eta infantilek azken fasea (finalerdiak eta finalak) jokatu zuten. Hauexek izan ziren emaitzak:

Urtarrilak 5, ostirala, Donostia-Atano III

- Finalerdiak alebinak errendimendua: 
L.GASTIAIN (Abantzu) 16  vs  ETXEBERRIA (Lapke) 1
N.GASTIAIN (Abantzu) 7  vs  LANDA (Murumendi) 16

- Finala alebinak errendimendua:
LAIA GASTIAIN (Abantzu) 16
AMAIUR LANDA (Murumendi) 15

- Finalerdiak infantilak errendimendua:
SORONDO (Alde Zaharra) 2  vs  GALARDI (Oiarpe) 16
ARRATIBEL (Lapke) 16  vs  ARRUTI (Ziotza) 10

- Finala infantilak errendimendua:
AINHITZE ARRATIBEL (Lapke) 12
LARRAITZ GALARDI (Oiarpe) 16

- Finalerdiak alebinak parte-hartzea:
EGIZABAL (Bergara) 16  vs  ZIAURRITZ (Oiarpe) 6
AZPIAZU (Lapke) 16  vs  AIERBE (Gazteleku) 2

- Finala alebinak parte-hartzea:
AINERE AZPIAZU (Lapke) 16
LUR EGIZABAL (Bergara) 4

Final hauen irudiak ere ikusgai daude Argazki galeriak txokoan.

Zorionak eta eskerrik asko parte-hartzaile guztiei!