Trinketeko Kluben Arteko Gipuzkoako Txapelketako lehendabiziko finalak izango dira ikusgai, asteburuan. Hain zuzen ere, eskuz binakako lehiako bi final jokatuko dituzte, igandean, 10:30ean hasita, Irurako Ametsa trinketan: kadeteena eta jubenilena:

Urtarrilak 15, igandea, 10:30, Irura-Ametsa trinketa

1. Eskuz binaka, kadeteak:
BEHAR ZANA 3 (Pello Aranburu-Eñaut Oñate-Iker Izagirre)
BEHAR ZANA 1 (Peru Cestau-Inhar Iparragirre)

2. Eskuz binaka, jubenilak:
GAZTELEKU (Joanes Cestau-Beñat Salbador)
INTZA 1 (Haritza Diaz de Guereñu-Peru Urdanpilleta)

Jardunaldi honetan, gainera, beste bi lehia ere hasiko dira Trinketeko Txapelketan: gizonezkoen paleta argentinarrekoa (nagusiak) eta xarekoa (jubenilak).

Nagusien 1. eta 2. mailan lehiatuko dira paleta argentinarreko espezialitatean, 9 talde 1. mailan (2 multzotan banatuta) eta 8 talde 2. mailan (beste 2 multzo). Martxoaren 12ko asteburuan izango dira finalak.

Xareko lehia jubenil mailako 4 bikotek jokatuko dute. Eta finala otsailaren 10eko jardunaldian izango da.

Webgune honetako Lehiaketa-Federatua-Gipuzkoa-Trinketa atalean kontsulta daiteke, hain zuzen ere, espezialitate bakoitzari eta, oro har, txapelketari buruzko informazio guztia.