Federazioen arteko GRABNI Txapelketaren 2. jardunaldia jokatuko du, asteburuan, Gipuzkoak. Etxean jokatuko du, gainera, Errioxaren aurka. Bizkaia vs Araba eta Nafarroa vs Iparralde dira jardunaldiko gainontzeko aurrez aurrekoak. Albiste honi erantsitako dokumentuan ikus daiteke Gipuzkoa eta Errioxaren arteko lehiaren kartelera zehatza, eta baita gainontzekoena ere.

5 jardunaldiko ligaxka jokatuko dute Araba, Bizkai, Errioxa, Gipuzkoa, Iparralde eta Nafarroako selekzioek, martxoaren 13ko asteburuan hasi eta apirilaren 10ekora bitarte. Hiru jardunaldi etxean jokatuko ditu Gipuzkoak: bigarrenean, Errioxa hartuko du; laugarrenean, Bizkaia; eta bosgarrenean, azkenekoan, Iparralde. Eta gainontzeko biak etxetik kanpo jokatu beharko ditu: lehenengoa, Araban; eta hirugarrena, Nafarroan.

Ligaxka amaituta, apirilaren 24ko jardunaldian izango dira ikusgai finalerdiak, Nafarroan eta Errioxan. Eta final guztiak maiatzaren 1eko asteburuan, Araban.

Hona hemen egutegi osoa:

Gure webguneko Selekzioak eta Lehiaketa-Selekzioa-GRABNI ataletan joango gara eguneratzen txapelketaren inguruko informazioa. Euskadiko Euskal Pilota Federazioaren webgunean aurki daitezke xehetasun guztiak.

*Argazkiak: Eduardo Agirre.