Hernani, Pagazpe eta Behar Zana klubeko pilotariek jantzi dituzte txapelak Trinketeko Kluben Arteko Gipuzkoako Txapelketako eskuz binakako finaletan. Kadete kategoriako finala irabazi dute Hernaniko Iturbek eta Legarretak; jubenilena, klub bereko Jarak eta Manterolak; nagusien 2. mailako lehian nagusitu dira Pagazpeko Huizi eta Urruzola; eta, azkenik, nagusien 1. mailako txapelak eraman dituzte etxera Behar Zanako Maizek eta Urbietak.

Asteburuan Iruran jokatutako bi jaialdien xehetasunak, hemen:

Martxoak 5, larunbata, 18:30, Irura-Ametsa trinketa

1. Eskuz binaka, kadeteak:
BEHAR ZANA 2 (Xabat Arruti-Urko Otaegi) 31 / HERNANI (Xuban Iturbe-Oihan Legarreta) 40

2. Eskuz binaka, jubenilak:
HERNANI (Jon Jara-Unax Manterola) 40 / BEHAR ZANA (Eñaut Aranburu-Oier Aranburu) 20

Martxoak 6, igandea, 11:00, Irura-Ametsa trinketa

1. Eskuz binaka, nagusiak 1. maila:
BEHAR ZANA (Eneko Maiz-Jon Urbieta) 40 / MUNDARRO (John Linares-Oier Gurutzealde) 34

2. Eskuz binaka, nagusiak 2. maila:
PAGAZPE (Enrike Huizi-Julen Urruzola) 40 / BEHAR ZANA 1 (Koldo Jauregi-Iker Aburuza) 28

Txapelketaren inguruko informazio guztia webgune honetako Lehiaketa-Federatua-Gipuzkoa-Trinketa eskuz binaka atalean dago ikusgai.

*Argazkiak: Behar Zana Pelota Elkartea (Amasa-Villabona).